Thursday, 12 April 2007

• 從來都冇諗過自己會有幾傷心，以為自己可以唔喊，可以支持住，可以安慰其他人。點知都係忍唔到。見到朱仔哥凍冰冰，靜靜地咁訓左o係o度，好乖。摸住拖住鍚住朱仔哥，感到好可憐，咁乖既小朋友就咁就走左。以後都冇得感受佢，冇得見到佢激氣個樣，冇得同佢一齊wear床wear梳化。朱仔哥唔肯合埋眼，不過仍然好乖。見到細舅父咁傷心，我個心都好up。原來見住佢走，會有咁多唔捨得。真係會喊，真係會叫住佢，真係會心疼。從來都冇當朱仔哥係狗仔，佢係一個好聽話好可愛既小朋友。

  我知自己既面色好難睇，好醜怪。請原諒我既不在狀態。我好想令人唔擔心，不過我冇用，做唔到。

  傷心完就要振作。要從中學習。

  我要鍚晒我要錫既人！唔要有任何後悔既機會！

  今日嘗試打扮下，掩蓋倦容，尚算成功！睇左套開心既戲，食左餐美味既飯~ 而且呀，我努力做左日家務助理員，不停洗刷地方，因為婆婆聽日返來！好開心！好掛住婆婆~ 希望貓仔唔好咁快整dirty d地方！

  近來迷上高跟鞋~ 著得靓靓地咁去見喜歡既人~ 十分快樂！不過，最好就唔會整損腳仔啦。大量膠布在家中！

  • 1:59 AM
  • 14 Views
  • 2 eProps
  • 1 Comment